ക്ലാപ്പ്
ബാല്കണി മുതല്‍ തറ വരെ എല്ലാവരും ഒരേ കയ്യടി.
എല്ലാവര്ക്കും ഒരേ സ്വരം.
അവനെ അങ്ങനെ തന്നെ വേണം.
അവനെ ഇപ്പോള്‍ തന്നെ വെടി വെച്ച് കൊല്ലണം.
അവന്റെ കയ്യോ കാലോ മുറിച്ചു കളഞ്ഞാല്‍ പോര.
അവനു അറബി ശിക്ഷ തന്നെ വിധിക്കണം .
അവനെ കയ്യോടെ ചുട്ടു കളയണം.
അഭിനേതാക്കള്‍ തിരക്കിലാണ്.
സൌമ്യ ഭാഷികള്‍, പരിഷ്കൃതര്‍
ഇരുട്ടിന്റെ ഓട്ട അടച്ചവര്‍.
മാന്യമായി വസ്ത്രം ധരിച്ചവര്‍,
ഖദര്‍, ഖദര്‍ സില്‍ക്ക്;
തുണിത്തരങ്ങള്‍ അനവധി.
ആദരാഞ്ജലി അര്‍പ്പിക്കാന്‍
മൌന ജാഥ നടത്താന്‍ .
കറുത്ത ബാഡ്ജു ധരിക്കാന്‍
ആഘോഷങ്ങള്‍ തന്നെ
ജനം കയ്യടി തന്നെ. കയ്യടി.
സിനിമ കഴിയുന്നത്‌ വരെ അത് തുടരും.
അഭിനേതാക്കള്‍ വീണ്ടും തിരക്കിലാണ്
അടുത്ത സിനിമക്ക് ക്ലാപ്പ് അടിക്കുന്നതും കാത്ത്
ജനം തിരക്കിലാണ്
അടുത്ത സിനിമ റിലീസും കാത്ത്
Subscribe to:
Post Comments (Atom)
കൊള്ളാം... ഞാന്‍ കയ്യടിച്ചിരിക്കുന്നു.
ReplyDeleteടിക്കറ്റ്‌ എടുത്ത്, കൈവിരലിന്റെ തുമ്പത്ത് കറുത്ത മഷി പുരട്ടി വാങ്ങി, തീയറ്ററില്‍ കയറി രണ്ടു കൂവണമെന്നുണ്ട്. പക്ഷെ എന്ത് ചെയ്യാം... വോട്ടേഴ്സ് ഐ ഡി ഇല്ലാതെ പോയി.
ReplyDelete